𝗖𝗔𝗟𝗜𝗡𝗢𝗚, 𝗜𝗟𝗢𝗜𝗟𝗢 — Naka-heightened alert ang Calinog Municipal Police Station kasunod sang asud-asud nga pagluntad sang encounter sa Brgy. Aglonok sa amo nga banwa.
Sa interview sang Bombo Radyo kay Police Major Myles Dieron, hepe sang Calinog Municipal Police Station, iya ginpahayag nga ang distansya sang Aglonok halin sa banwa sang Calinog amo ang 35 kilometros kag mas malapit na ini sa boundary sang probinsya sang Antique.
Suno kay Dieron, ini malab-ot sang salakyan ang amo nga lugar, kon sa diin, tubtob sa Baragay Caratagan lang ang accessible nga malab-ot sang mga salakyan.
Ginpahayag man sini nga yara lamang ang populasyon sang Aglonok sa 114 ka mga households, kag kalabanan sa ila ang nagalakat lamang kag wala sang transportasyon.
Apisar sini, nagpasalig ang natungdan nga nagapatuman na ang ila katapo sang random checkpoints sa mga alagyan kag gina-check man ang mga ospital agud matumod kon may magapanaog nga mga katapo sang Communist Terrorist Group – New People’s Army (CTG-NPA).
Nagpanawagan man si Dieron sa mga myembro sang rebelde nga magbalik sa gobyerno bangud madamo sang bulig nga igahatag sa ila ilabi na nga indi na sila mangabudlay sa bukid.
Nahibaluan nga apat ka mga lalaki, samtang isa ka babayi ang mga napatay sa bahin sang mga rebelde matapos nga nagluntad ang engkwentro sa lugar.
