ILOILO CITY- Nagaplano ang Chairman sang Committee on Transportation sa Iloilo City Council nga gamiton sa pagpasangkad sang traffic management sang syudad ang porsyento sang revenue nga makolekta gikan sa traffic violators.
Sa interview sang Bombo Radyo kay Councilor Sedfrey Cabaluna, iya ginpahayag nga pananglitan mapatuman ang pagpataas sang penalties nga sukton sa mga traffic violators, gamiton ang revenue para sa plano nga pagkaayo sang mga road signs kag pedestrian lanes.
Suno kay Cabaluna, nagakadapat nga indi magsalig sa mga pribado nga kompaniya ang mga ginapamutang nga road signs.
Ginalantaw sang konsehal nga mangin madugo pag-abot sa Iloilo City Council ang gina-propose nga pagpataas sang penalties sa pila ka mga traffic violations.
Apang ginakabig sang konsehal nga dako ang mabulig sang mga kaupod niya sa konseho nga maistoryahan ini.
