Ginpanindugan sang China ang ila ginapahayag nga sovereignty sa Scarborough Shoal sa West Philippine Sea.
Kasunod ini sang report sang Philippine Coast Guard nga nagpalapit ang Chinese vessel sa barko sang Pilipinas samtang yara sa dagat.
Ginapahayag nga natabo ang amo nga “close distance maneuvering” sang nagligad nga Marso 2.
Sa isa naman ka press conference, ginpahayag ni Chinese Foreign Ministry spokesperson Wang Wenbin nga may soberanya ang China sa Huangyan Dao kag may yara lang sang sovereign rights kag jurisdiction sa tubig nga nagapalibot diri.
Ang Huangyan Dao amo ang pangalan nga ginagamit sang China para sa tinaga nga Scarborough Shoal, ukon Bajo de Masinloc.
Daw kaangay man nga ang Philippine Coast Guard mismo ang ginabasol sang China sa natabo sa tunga sang barko sang Pilipinas kag sa Chinese coast guard.
Suno kay Wang, dapat nga magtuman ang Pilipinas sa domestic law kag international law sang China, kag likawan man ang pagpahilabot sa patrol kag law enforcement sang China Coast Guard samtang yara sa amo nga territorial waters. ##
