Gina-trace na sang gobyerno ang duha sa mga ginpangalanan nga co-perpetrators ni anay Presidente Rodrigo Duterte.
Base sa dokumento sang international tribunal, ang mga co-perpetrators ni Duterte amo sanday Senator Ronald “Bato” dela Rosa, Senator Christopher Lawrence “Bong” Go, Vitaliano Aguirre II, Vicente Danao, Oscar Albayalde, Dante Gierran, Isidro Lapeña, kag ang napatay na nga si Camilo Cascolan.
Suno kay DILG Secretary Jonvic Remulla, bisan wala pa sang arrest warrants, gina-trace na nila ang nasambit nga mga personalidad.
Pahayag ni Remulla, duha sa co-perpetrators ni Duterte ang ginapatihan nga yara na sa Estados Unidos.
