Ginkumpirma sang Philippine Institute of Volcanology and Seismology (PHIVOLCS) nga naka-eksperyensya sang coastal uplift ukon tuman nga pag-atras sang tubig-dagat sa kinaandan sini nga pwesto ang pila ka bahin sang Mindanao matapos ang magnitude 7.8 nga linog sang Hunyo 8.
Lakip sa mga lugar nga may ara na sang coastal uplift amo ang Barangay Pangyan, Glan, Sarangani, kag amo man sa Jose Abad Santos, Davao Occidental.
Suno kay Dandy Camero, science research assistant sang PHIVOLCS, possible nga indi lang ang duha ka nasambit nga lugar ang may ara man sang kaangay nga hitabo, rason nga padayun man ang ila nga assessment sa pila ka mga apektado nga lugar.
Nahibaluan nga sunod-sunod man ang mabatyagan nga pagtay-og sang duta ukon aftershocks matapos mabaskug nga linog sang Hunyo 8 kun sa diin natiphag kag nagcollapse gid ang pila ka mga establisyamento, taytay, eskwelahan, kag iban pa nga mga lugar istraktura sa lugar.
Sa subong, padayun man ang relief operations sang mga government agencies, opisyal, kag iban nga mga luyag magbulig sa mga biktima sang nasambit nga trahedya.
 nga naka-eksperyensya sang coastal uplift ukon tuman nga pag-atras sang tubig-dagat sa kinaandan sini nga pwesto ang pila ka bahin sang Mindanao matapos ang magnitude 7.8 nga linog sang Hunyo 8.){kind=link}