ILOILO CITY- Gin-athag sang Commission on Elections nga may poder ang Electoral Board sa pagkontrol sang numero sang mga poll watcher sa mga presinto sa nagahilapit nga Barangay and Sangguniang Kabataan elections.
Sa interview sang Bombo Radyo Kay Mr.Jonathan Sayno, Election Assistant 2 sang Commission on Elections- Iloilo City, iya ginpahayag nga prayoridad ang mga watchers nga gin-appoint sang mga kandidato sa pagka punong barangay kag Sangguniang Kabataan chairman.
Suno kay Sayno, pagalimitahan lamang sa isa ang watcher sa sulod sang presinto agud indi magginutok.
Pasugtan naman ang substitution sa kondisyon nga may watcher’s ID kag yara ang pangalan sa opisyal nga listahan.
Lakip man sa pasudlon sa presinto ang mga katapo sang Parish Pastoral Council for Responsible Voting (PPCRV) nga amo ang Citizens Arm partner sang Commission on Elections.
