Plano ni Iloilo City Mayor Jerry Treñas nga siraduhan na ang mga megasites sa syudad sang Iloilo kag isaylo na lang ang Covid-19 vaccination sa mga district health centers kag sa mga barangay.
Sa interview sang Bombo Radyo kay Treñas, iya ginpahayag nga mas mahapos ini para sa publiko bangud indi na magpila ang mga tawo sa dalagku nga vaccination centers para mag-avail sang bakuna.
Nabakunahan na ang 141% sang target population sa syudad kag nagagamay na lang suno sa alkalde ang nagapila sa megasites.
Ang ginapanawagan subong ni Treñas amo ang Covid-19 vaccination sa mga bata edad 5-11 anyos.Para naman sa booster shots, padasigon man ang rollout sini paagi sa pag-tap sa mga eskwelahan, barangay, simbahan, kag business establishments agud nga mahapos palapitan sang tawo.
