ILOILO – Wala sang tawo kag nakabukas pa ang page sang isa ka online shop sa browser sang isa ka computer sang nagpatigayon sang on the spot inspection ang Civil Service Commission sa Iloilo Provincial Capitol.
Sa interview sang Bombo Radyo kay Civil Service Commission 6 Regional Director Nelson Sarmiento, iya ginpahayag nga ginpangunahan ni Civil Service Commission Commissioner Aileen Lourdes Lizada ang inspection team.
Suno kay Sarmiento, ginkuhaan sang video sang inspection team ang sulod sang Iloilo Provincial Capitol kag natukiban nga ang isa ka talatapan ang wala sang may naka on duty nga personnel sa tion sang duty hours.
Magluwas nga wala sang on duty personnel,nakita man nga nakabukas sa browser sang isa ka computer ang page sang isa ka online shop.
Bangud nga mga pangayaw ang mga nagabug-os sang inspection team, indi nila matumod kun ano nga talatapan ang ila nakitaan sang kapaltahan apang santo sa video clip, ang nasambit nga talatapan ang may yara sang window 8.
Nahibalu-an nga naglabay ang inspection team sa ground floor sang Iloilo Provincial Capitol kun sa diin nahamtang ang Assesor’s Office kag ang Treasurer’s Office.
May kaangtanan diri, ginpahayag ni Sarmienta nga iya na nga ginpahibalo si Provincial Administrator Atty. Suzette Mamon tuhoy diri.
Kun tani suno kay Sarmienta, ang natabo ang mangin pamukaw sa tanan nga government employee nga magtrabaho sang maayo ilabi na subong nga ginmandu ni Presidente Rodrigo Duterte ang pagpatuman sang Anti-Red Tape Act ukon ang Ease of Doing Business and Efficient Delivery of Government Services.
