ILOILO CITY- Halos tanan sa aton ang nanamitan ukon makauyon gid sang bunga sang bayabas.
Apang, may ara bala sa inyo nga nagkainteres man sa dahon sini?
Nahibaluan naton nga ang bayabas ginakabig isa sa super fruits bangud sa gina-provide nga health benefits, manggaranon sa vitamin C, lycopene kag antioxidants nga maayo sa panit.
Apang nakahibalo ka bala nga ang guava leaves maayo man sa imo?
Ang ugbos sini pwede nga mahimo nga tsaa kag sa pagkamatuod, nangin kabahin na sang traditional medicine sa pila ka siglo sa Mexico kag South America.
Suno kay Delhi-based Nutritionist Anshul Jaibharat, ang dahon sini ang powerhouse sang antioxidants kaangay sang vitamin C, kag flavonoids kaangay sang quercetin.
Suno naman kay Dr. Anju Sood, ang guava leaves mahimo magpanubo sang risk sang cancer ilabi na ang breast, prostate, kag oral cancers bangud sa mataas nga kantidad sang antioxidant lycopene.
Ini nagabulong man sa trangkaso kag ubo bangud sa iya high levels sang Vitamin C kag iron.
Gina-disinfect sini ang respiratory tract, throat kag lungs.
Sa mga conscious naman sa ila skin, ang dahon sang bayabas makabulig padula sang punggod bangud sa high percentage sang Vitamin C.
Ibutang mo lang ang crushed guava leaves sa apektado nga parti sang imo guya kag siya na ang bahala nga buligan ka nga madula ang imo punggod.
