ILOILO CITY – Nagdangat na sa 37 ka mga estudyante sa western Uganda ang ginpanglabo kag ginsunog sang militante nga gina-angut sa Islamic State group nga ginakabig nga pinakamalala nga pagpang-atake sa sulod sang isa ka dekada.
Suno sa army, ginalagas pa nila ang militante nga grupo nagikan sa Allied Democratic Forces matapos nga ginsalakay ang isa ka eskwelahan sa Mpondwe sa Kasese district malapit sa Democratic Republic of Congo.
Base sa imbestigasyon, ginpangsunog ang mga dormitories kag gipanglabo ang mga estudyante.
Suno kay Uganda Peoples’ Defense Forces spokesman Felix Kulayigye, ginpangdala ang mga bangkay sa Bwera hospital mortuary.
Walo naman ka mga tawo ang pilason samtang ginpangdala sang militante nga grupo ang anum ka iban pa.
Suno naman kay Joe Walusimbi, Resident Commissioner sa Kasese, 25 sa mga napatay ang kumpirmado nga estudyante sang eskwelahan.
Ini na ang pinakamamatay nga pagpang-atake sa Uganda humalin sang twin bombings sa Kampala sang 2010 nga nagpatay sang 76 ka mga tawo sa isa ka strike nga gin-ako sang Somalia-based Al-Shabaab group.
