ILOILO CITY – Iduso ni Department of Social Welfare and Development (DSWD) Secretary Erwin Tulfo ang pagpatigayon sang imbestigasyon sa halos P2 bilion worth sang financial assistance nga wala na-distribute sa mga benepisyaryo sang Social Amelioration Program (SAP).
Ini ang kasunod sang annual audit report sang Commission on Audit (COA) nga nagapakita nga ang DSWD sa National Capital Region (NCR) kag Western Visayas ang wala naka-distribute sang SAP funds nga nagdangat sa P1,908,536,000.
190 ka mga Special Disbursing Officers (SDOs) sa NCR ang wala naka-utilize sang P1,753,442,000 samtang walo ka mga SDOs sa Rehiyon 6 ang wala naka-utlize sang P155,094,000.
Suno kay Tulfo, ang ini nga isyu ang natabo pa sang nagligad nga administrasyon.
Dugang pa niya, P1.7 billion sang SAP fund ang ginbalik sang DSWD sa Bureau of Treasury kag wala nadula.
Apang suno sa iya, ginapa-imbestigaran na niya ini kag may yara na sang report nga may yara sang natabo nga pagsalangisag apang indi pa klaro tubtob subong.
Ginkasubo naman niya nga gin-tap niya ang duha tubtob tatlo ka mga personnel agud nga mag-imbestigar sa amo nga butang sa baylo nga magtutok sila sa proyekto sang ahensya.
Kung matandaan, gin-flag man sang COA ang DSWD base sa 2020 annual report bangud sang masobra sa P780.71 million nga wala nagamit nga cash aid para sa mga Pilipino nga na-igo sang COVID-19 lockdowns.
