ILOILO CITY- Patigayunon la 1:00 karon sa hapon ang religious motorcade para sa imahe ni Señor Sto. Niño de Cebu sa mga nagapanguna nga dalanon sa Iloilo City may kaangtanan sa Dinagyang Festival 2024.
Ini ang magasugod sa San Jose Placer Parish Church kag magalibot sa downtown area.
Katuyuan sang religious motorcade amo ang pagsabwag sang bendisyon sang Sto. Niño sa mga tawo sa palibot sang syudad.
Samtang, magluwas sa religious motorcade, subong nga adlaw man igalunsar ang Dinagyang Music and Arts Festival sa Iloilo Contemporary Museum of Culture and Arts (ILOMOCA).
Sa interview sang Bombo Radyo kay Mr. Jay Trenas, chairman sang Dinagyang Music & Arts Festival, iya ginpahayag nga ibida ang mga obramaestra sang mga kilala nga local artists kag malantaw man ang mga Ilonggo musicians nga magaperform kaupod ang mga kilala nga musikero sa pungsod.
