ILOILO CITY – Gin-ako sang Office of Civil Defense nga indi preparado ang pila ka Municipal Disaster Risk Reduction Management Office sa Western Visayas may kaangtanan sa paglaslas sang Bagyo Ursula.
Sa interview sang Bombo Radyo kay Jose Roberto Nuñez, Regional Director sang Office of Civil Defense 6, iya ginpahayag nga may yara sang pagsalangisag sa pagpatigayon sang rescue operations bangud sa kakulang sang kahandaan.
Suno kay Nuñez, nagakinahanglan nga pasangkaron ang pamaagi sa rescue operations ilabi na ang communication line.
Ginpahayag ni Nuñez nga magluwas sa nasambit nga mga rason, kulang man ang equipment sang tagsa ka Municipal, Provincial kag City Disaster Risk Reduction Management Office.
Sa tion nga may yara sang palaabuton nga kalamidad, ginpahayag sang natungdan nga may yara sang memorandum nga ginapaguwa ang Office of Civil Defense nga nagamandu sa tagsa ka Disaster Risk Reduction Management Office nga magpatigayon sang monitoring para sa disaster response.
