Nagpasalig ang Department of Health nga nakahanda na ang 21 ka mga ospital nga magaresponde kun may mag-positibo sa halos 400 ka mga repatriates nagikan sa Diamond Princess Cruise ship nga subong yara na sa New Clark City.
Suno kay Department of Health Sec Francisco Duque, nagpaidalom sa lima ka lebel nga test kag checking ang nagpauli nga mga Pilipino antes nakapanaog sa barko kag naghugpa sa Clark International Airport.
Ginkumpirma ni Duque nga lunsay nag negatibo ang 445 ka mga Pilipino lakip na ang siyam nga opisyal sang Department of Foreign Affairs kag Department of Health apang gin-ako naman sang natungdan nga posible sa gihapon sila nga mag positibo sa COVID-19.
Sa pihak sini nagpasalig si Duque nga nakahanda sila sa tion nga matabo ini.
