Nagaplano ka bala nga islan na ang imo nga regular toothpaste? Basi kun gusto mo ini nga tilawan!
Ginatun-an subong sang Department of Science and Technology – Industrial Technology Development Institute (DOST-ITDI) ang paggamit sang okra bilang toothpaste.
Isa ini sa mga paagi sang DOST agud mahimo ang lain-lain nga produkto gamit ang okra bangud tuman ka damo ang suplay sini sa Pilipinas.
Isa sa ginatutukan amo ang Okra toothpaste infused with calamansi oil, isa ka ingredient nga ginapahayag may yara sang whitening properties.
Iban pa nga okra developments nga ginatun-an sang science agency amo ang banaba milk tea, kag paggamit sang okra bilang stabilizer nga amo naman ang nagabulig agud nga ma-preserve ang food structure.
Apisar pa nga daw bag-o ini sa pamatin-an, madamo na nga mga pungsod ang naga-eksperimento sa paghimo sang okra products.
Isa diri mo ang “okra water”, isa ka wellness trend kun sa diin ginahuluman ang lawas sang okra sa tubig sa sulod sang 24 ka oras, antes i-ingest.
Ini ang ginapahayag maayo sa weight loss kag nagapa-improve sang blood sugar management. ##
