ILOILO – Wala sang ayuda nga sarang matanyag ang Department of Social Welfare and Development (DSWD) Region VI sa mga trabahador sa Iloilo City nga naapektuhan umpisa sang ginpatuman ang modified enhanced community quarantine (MECQ).
Sirado ang mga NON-ESSENTIAL establishments umpisa sang nangin epektibo ang MECQ sang Mayo 23.
Sa interview sang Bombo Radyo kay Joselito Estember, pinuno sang Crisis Intervention Section sang DSWD Region VI, iya ginpahayag nga ang Assistance to Individuals in Crisis Situation (AICS) program sang amo nga ahensya nga ginapahayag ‘protective service’ para sa ‘poor, marginalized and vulnerable/disadvantaged individuals’ ang may food assistance apang para sa mga residente nga ‘ara gid dapat sa vulnerable sector’ ukon ‘in crisis situation’.
“Ini nga pandemic medyo daku siya kag indi kami [DSWD] ang makasabat sang tanan naton nga kinahanglanon,” pahayag ni Estember nga nagdugang pa nga may ‘specific sector lang kag instances’ nga mahimo ma-address sang programa.
Partikular nga gintumod sang natungdan nga ‘in crisis situation’ ang mga Persons With Disabilities (PWDs), mga solo parents, kag mga biktima sang pagpang-abuso.
‘Ining informal sectors naton nga apektado sang MECQ, we are trying to provide pero sa vulnerable sectors lang gid kay very limited man ang pondo,” pahayag sang natungdan.
Tubtob pa sa Hunyo 15 ang implementasyon sang MECQ sa Iloilo City. As of May June 3, santo sa record sang Department of Health (DOH) Region VI, ang syudad ang may yara sang 1,755 ka active cases sang coronavirus. #
