ILOILO– Ginbalik na ang Reconnaisance company sa idalom sang regional mobile force.
Sa interview sang Bombo Radyo kay 4th district board member Rolando Distura, iya ginpahayag nga paagi sa Resolution no. 2019-225, ginmanduan si Police General Oscar Albayalde, pinuno sang Philippine National Police nga ipanumbalik sang duha ka dugang nga mga PNP mobile groups partikular sa munisipalidad sang Janiuay kag Dumangas, Iloilo agud mas mapasangkad ang paghatag sang seguridad sa probinsya.
Dugang ni Distura, ang regional mobile force ang may yara sang 125 ka nga enlisted PNP personnels kag anom ka mga PNP officers nga pangunahan ni Police Captain Jerome Manahan.
Sa subong yara na naka- standby ang mga personel kag opisyal sa PD Monfort camp sa banwa sang Dumangas.
Ginpasalamatan sang board member ang dugang nga pwersa sang kapulisan bangud ini ang isa ka paagi agud mas ma tsekyar ang seguridad sang pumuluyo.
Samtang ginpahayag ni Distura nga mangin prioridad nila ang paghatag sang seguridad sa mga lugar sa probinsya kun sa diin madamo ang tawo kaangay sang paluparan, pantalan, eskwelahan kad madamo pa nga iban.
