ILOILO CITY- Ginbawian sang registration sang Enforcement and Investor Protection Department sang Securities and Exchange Commission (SEC) ang Family of People Loving God Church Inc. kag Ang Iglesia ng Makapangyarihang Diyos matapos gin-isyuhan ang mga ini sang show cause order para magpaathag kag silutan bangud sa pagpanginto sa mga tao.
Kasunod ini sang pagdangop sang Manila Police District sa SEC agud hingyuon nga bawion ang registration sang duha ka foundations nga nagasulong sang relihiyon sa Manila.
Pareho nga wala nagpasa sang report ang sa SEC ang nasambit nga foundations.
Gin-report sang kapulisan ang pagpanginto sang duha ka foundation matapos nakabaton sila sang reklamo gikan sa publiko.
Ginpahayag sang SEC nga nagpetisyon ang Manila Police District bangud nga gin-into sang mga ini ang mga tao sa pag-solicit sang kwarta apisar wala sila sang permit gikan sa Department of Social Welfare and Development (DSWD).
Ginpromisahan man ang mga donors nga makakadto sila sa South Korea.
Ginpahayag nga nagapangbiktima ang mga ini sa Barangay 178, Zone 18, District 2 sa Manila.
Ang mga gintudlo nga pinuno sang Family of People Loving God Church amo sanday Jesus I. Faeldin kag Virginia T. Valencia.
