ILOILO CITY- Duha ka mga wildfires ang dululungan nga narekord sa Iloilo.
Isa sa mga nasunog amo ang porsyon sng Mt. Napulak sa Igbaras nga ginakabig nga isa sa pinaka-popular nga bukid sa Iloilo nga masami ginasaka sang mga mountaineers.
Sa interview sang Bombo Radyo kay PB Jaylourd Esteta sang Brgy. Pinaopawan, Igbaras, iya ginpahayag nga dako ang posibilidad nga man-made ang gintunaan sang sunog.
Suno kay Esteta, sa pagkamatuod, kada tion sang tig-ilinit, yara sa 20% sang kabukiran ang nagakasunog apang ini na ang pinakamalapad nga ginlamon sang kalayo.
Nahibaluan nga subong nga bulan lamang, yara sa apat ka wildfires na ang narekord sa Iloilo.
