ILOILO – Daw kaangay nga ginahabyog ang balay ang nabatyagan sang pila ka mga residente sa banwa sang San Enrique, Iloilo kag Dumarao, Capiz matapos nga magluntad ang magnitude 4.8 nga linog.
Sa interview sang Bombo Radyo kay anay San Enrique Mayor Joe Fernandez iya ginpahayag nga madasig apang tuman ka baskog ang naeksperyensyahan nila nga linog
Suno kay Fernandez, padayon na subong ang local government sang San Enrique agud tsekyaron ang mga halit nga gintuga sang linog agud mahatagan sang nagaka igo nga bulig.
Samtang, nagasinggitanan kag nagguluwa naman sa ila nga mga panimalay ang residente sang Brgy. Traciano, Dumarao Capiz sang nagluntad ang linog.
Sa interview sang Bombo Radyo kay Ruffa Otayde, sang nasambit nga nga lugar iya ginpahayag daw uklad ang ila nga atop sa kabaskugon sang linog.
Suno kay Otayde, ini na ang pinaka baskog kag dugay nga na eksperyensyahan niya kun sa diin ginapahayag nga nagdugay ini san ginabanta 10 ka segundo.
Tuman nga kagugma ang gintuga sa ila sang linog kag tubtob subong naka alerto man sila sa gihapon sa pagbantay sang posible nga aftershocks.
