Ginpanginwala ni anay Presidente Rodrigo Duterte nga siya ang sa likod saang gina-alegar sikreto nga mga meeting agud i-destabilize ang administrasyon ni President Ferdinand Marcos Jr.
Binuang-buang lamang ang mga alegasyon suno kay Duterte bangud una suno sa iya, wala sang pulis ukon militar nga may matarong nga pinsar ang maga-sapol sa iya para magplano sa destabilization.
Ginsiling man sini nga komportable siya kay Marcos gani wala siya sang rason nga islan ini.
“Sino namang g****** pulis o military ang makipag-meeting sa akin to destab. Bakit ko hindi ginawan yan when I was at the height of my… naging presidente na ako. For what purpose? To place somebody else in place of Marcos? I’m comfortable with Marcos. Why should I replace him? And who am I to replace him at this time of my life?,” sabat sang former president.
Antes sini, nauna na ang pulis kag militar sa pag-dismiss sang gina-alegar plano agud sipaon si Marcos bilang presidente.
Ginpanginwala man sang otoridad ang video kun sa diin gina-claim nga luyag sang police kag military officials nga maghalin na si Marcos.
Sang gindirekta naman pamangkot kay Duterte ang alegasyon nga gina-handa niya ang iya anak nga si Vice President Sara Duterte rason nga may plano nga kudeta kay Marcos, nagsabat ini nga may mga “stupid” gid nga mga tawo nga nagapalapta sa sini nga mga impormasyon.
Pahayag pa sini, natapos na ang iya mga ulubrahon sang tion nga siya ang presidente kag kuntento na siya sang iya mga hinimuan para sa kaugalingon, pamilya, kag sa pungsod.#
