Nagapati ang Embahada sang Pilipinas sa France nga didto sa karon ang anay kongresista nga si Zaldy Co.
Suno sa report may mga propedad si Co sa nasambit nga pungsod.
Ginpahayag man nga wala sang gahom ang Embahada agud magpatigayon sang surveillance ukon arestuhon ini.
Suno kay Ambassador to France Eduardo de Vega, isa ka masaligan nga source ang naghatag sang impormasyon sa departamento nga si Co ang yara subong sa France kag ginapahayag nga nagpangayo pa ini sang asylum.
Apang, gin-athag man sini nga wala pa sang opisyal nga kumpirmasyon nga nakita si Co sa amo nga pungsod.
Ginpunto man sang ambassador nga indi dali-dali makapatigayon sang imbesigasyon ukon surveillance ang mga opisyal sang Pilipinas sa France bangud magalapas ini sa soberanya kag layi sang France.
Gindugang pa ni De Vega nga ang embahada, pati na ang myembro sang komunidad sang mga Pilipino sa France ang wala sang gahom nga arestuhon si Co apisar pa nmga makita ini sang opisyal sang embahada ukon sang Filipino Community didto.
