Gin-athag sang Malacañang nga indi nagakaigo nga basehan ang padayon nga pagsaka sang kaso sang COVID-19 sa Pilipinas agud mahambal nga kapaslawan ang ginpatuman nga enhanced community quarantine sang gobyerno.
Suno kay Presidential Spokesperson Salvador Panelo, ang padayon nga pagsaka sang kaso sang nasambit nga balatian sa pungsod ang bangud sa pagsaka man sang numero sang mga tawo nga nakapaidalom na sa testing, pagdugang sang testing kits kag COVID-19 testing centers sa pungsod.
Dugang sang natungdan, posible nga magtaas pa ang kaso sang COVID-19 sa Pilipinas kun wala napatuman ang enhanced community quarantine.
Nahibaluan nga nagdangat na sa 1,418 ang kaso sang COVID-19 sa Pilipinas sa diin 71 na ang napatay kag 42 na ang nakarecover.
