Indi makatambong si incoming chief presidential legal counsel Juan Ponce Enrile sa inauguration ni president-elect Ferdinand ‘Bongbong’ Marcos Jr. sa Hunyo 30.
Suno sa 98-anyos nga anay Senate president, naka-confine siya sa Makati Medical Center sa sulod na sang tatlo ka adlaw matapos nagpositibo sa Covid-19.
Gin-athag man sini ang iya subong nga kondisyon — wala nagapalangurog, wala nagasakit ang ulo, kag normal ang tanan nga physical vital signs kag blood chemistry readings.
Naghingyo ini nga magpaiway na lang sa pagtambong sa inagurasyon bangud nga kumpletuhon pa sini ang anti-viral regimen nga gin-prescribe sang doktor.
Mensahe sini sa iya nga mga kaaway kag kritiko, indi anay mamalakpak bangud indi pa siya mapatay.
Ginpahayag sini nga magalawig pa ang iya kabuhi bangud nga magabulig pa siya sa pag-athag kag paglimpyo sang iya ginapahayag “distorted narrative” sang maragtas sang Pilipinas.
