ILOILO – Nagapati si Pol Lt Col Jovie Espenido nga may yara sang rason kun ngaa gina agyan kag ginapangatubang niya ang sunod-sunod nga mga kontrobersiya batok sa iya.
Ini ang nangin pahayag sang kontrobersyal nga pulis matapos naulamid ang iya pangalan sa narcolist nga ginapahayag police scalawag.
Sa interview sang Bombo Radyo kay Espenido iya ginpahayag nga nahibaluan na niya ang balatyagon sang isa ka inosente nga tawo nga gina angot sa isa ka kontrobersiya.
Suno kay Espenido, daw kaangay nga isa siya ka celebrity bangud sa atensyon nga ginahatag sa iya .
Dugang sang natungdan, nagapati siya nga matinlo ang iya konsensiya kag ginaproteksiyunan siya sang iya Ginoo.
Ginpasalamatan ni Espendio si Presidente Rodrigo Duterte nga amo ang una nga nagapati sa isa siya ka maalam nga personalidad.
Nangayo naman sang pasaylo ang natungdan kag Pol Director Archie Francis Gamboa, kag ginapahayag niya nga wala siya sang intensiyon nga pakahuy-an ang pwersa sang kapulisan.
Nagpanugyan si Espenido sa publiko nga sa pihak sang ginkaulamiran niya nga isyu padayonunon sa gihapon ang ila pagsalig sa Philippine National Police.
