ILOILO – Daku nga pagpanghangkat para sa anay media practitioner nga mangin bag-o nga tagpamaba sang 3rd Infantry Division sang Philippine Army.
Si Captain Cenon Pancito III ang nagtal-os kay Captain Eduardo Precioso Jr., nga subong yara na sa 3ID Civil Military Operations (CMO).
Sa exclusive interview sang Bombo Radyo kay Capt. Pancito, iya ginpahayag nga bugal kag daku nga pagpanghangkat para sa iya nga mangin bag-o nga tagpamaba sang 3ID kag pinuno sang Division Public Affairs Office (DPAO).
Dugang pa ni Pancito, malapit sa iya tagipusu-on ang broadcasting industry rason nga nalangkag man siya sa iya bag-o nga assignment.
Ginpahayag man sang natungdan nga nagalaum siya nga mabuhinan ang gap sa tunga sang publiko, media kag mga suldado sa iya nga termino bilang 3ID spokesperson.
Bag-o pa man si Pancito nagsulod sa Philippine Military Academy (PMA), siya ang nagtapos sang kurso nga Mass Communication sa Tacloban City, naka-angkon sang radio hosting sa Baguio City kag nangin katapo sang Kapisanan ng mga Brodkaster ng Pilipinas (KBP).
Si Pancito ang assign bilang bag-o nga tagpamaba sang 3ID, si Pancito ang na-assign sa 3ID headquarters sang Oktubre 2018 kag nangin assistant chief of staff sang 3ID Communication, Electronics and Information System.
