ILOILO CITY – Nag-plead nga not guilty si United States former President Donald Trump sa 34 counts sang felony bangud sa pag-falsify sang business records sa first degree sa Manhattan court matapos ang hearing charges batuk sa iya.
Ang kaso ang nag-ugat sa imbestigasyon sa hush money payment sa adult film actress nga si Stormy Daniels sang 2016 presidential campaign.
Suno kay Todd Blanche, isa sa mga abogado sang anay presidente, frustrated kag akig si Trump pagkatapos sang arraignment.
Gin-akusaran man sini ang prosecutor sang kaso nga ginhimo nga “political prosecution” ang “political issue”.
Suno naman kay Manhattan District Attorney Alvin Bragg, wala gina-normalize sang ila talatapan ang mga serious criminal conduct mangin sin-o man ang involved.
Pagkatapos sang arraignment, gilayon nga naggwa sa korte si Trump kag wala na naghatag sang statement.
Natalana ang masunod nga in-person hearing sa Disyembre 3 sa New York.
