Temporaryo nga iga-suspend anay ang excise tax para sa cooking gas kag kerosene agud makabulig sa mga konsumidor sa tunga sang nagalala nga krisis sa gatong.
Ini matapos nagpagwa sang pormal nga guidelines ang Department of Finance (DOF) kag Bureau of Internal Revenue (BIR) kasunod sang executive order nga ginpirmahan ni President Ferdinand Marcos Jr.
Ang suspension nag-umpisa epektibo kahapon nga adlaw Abril 17 kag magalawig sang tatlo ka bulan.
Bangud sa temporaryo nga pagkuha sang P3.36 kada kilo nga excise tax sa LPG, ginalauman nga maganubo sang halos P37 ang presyo sang kada 11 ka kilo nga tangke.
Samtang maganubo naman sang P5.60 ang kada litro sang presyo sang kerosene.
Suno kay BIR Commissioner Charlito Martin R. Mendoza, nagabinuligay ang ahensya sang Department of Finance agud nga mapadasig ang pagpatuman sang mga direktiba sang Presidente kag ginatun-an man ang iban pa nga tikang agud suportahan ang mga relief efforts sang gobyerno.
Suno sa DOF at BIR, magapabilin nga epektibo ang suspensyon tubtob Hulyo.
