Ginpagwa sang Food and Drug Administration ang listahan sang mga aprubado nga brand sang COVID-19 test kits nga mahimo magamit comercially.
Duha diri ang nagikan sa China kag gin distribute sang S&S Enterprise kag Sahar International.
Ang duha naman ang ginmanufacture nagikan sa South Korea kag idistribute sang Endure Medical Inc., kag Wellness Pro Incorporated.
Suno kay Food and Drug Administration Director General Eric Domingo, naka-comply ang mga nasambit nga kompanya sa requirements nga yara sa idalom sang ginapagwa nila nga Memorandum No. 006 ukon ang ‘Issuance of Special Certification for Imported Test Kits of COVID-19’.
Paathag sang opisyal, lunsay mga Polymerase chain reaction-based reagent test kits ang gin-aprubahan nga mahimo lang magamit sa laboratoryo kag indi sa pribado ukon personal nga gamit.
Nahibaluan nga una na nga ginhatag sang certificate of exemption sang Food and Drug Administration ang SARS CoV-2 PCR Detection Kit nga gindevelop sang University of the Philippines-National Institute of Health.
Ginatapos nalang subong sang grupo sang mga eksperto ang ginapatigayon nga field investigation kag iban pa nga requirements agud mangin handa na for commercial use ang ila nga imbensyon.
