Nag-advance na sa second round sang 2020 Asia-Ocenia Olympic qualifying tournament nga ginpatigayon sa Jordan ang Filipino feather weight boxer nga si Ian Clark Bautista.
Ini matapos nga ginlutos niya ang Japanese boxer nga si Hayato Sutzumi sa split decision victory.
Nakuha ni Bautista ang score nga 29-28, 28-29, 32-27, 28-29, 29-28.
Gin-ako ni Bautista nga nabudlayan siya sa iya nga hampang batok sa Hapon bangud maayo man ini maghampang apang nakuha niya lang ini sa will to win niya sang nagdangat na sa last round.
Dugang sang natungdan, ginhatag niya ang tanan nga makaya niya sa kompetisyon bangud madugay na niya ini ginhulat kag ginpreparahan.
