ILOILO CITY – Ginkumpirmar ni United States Secretary of State Antony Blinken nga pormal na nga nag-upod ang Finland sa North Atlantic Treaty Organization military alliance sa isa ka historic policy shift kasunod sang pagsalakay sang Russia sa Ukraine.
Mismo si Finnish Foreign Minister Pekka Haavisto ang naghatag sang accession document kay Blinken sa headquarters sang North Atlantic Treaty Organization sa Brussels, Belgium.
Suno naman kay Jens Stoltenberg, ang Secretary General sang alyansa, ang Sweden ang masunod nga full fledged member sang North Atlantic Treaty Organization.
Kasunod sini, ginpahayag sang Kremlin nga ang Russia ang mapilitan nga maghimo sang “counter-measures”.
Pabaskugon sini ang military capacity sa western kag northwestern regions.
Samtang, ginkalipay naman sang Ukrainian government ang tikang sang Finland.
