ILOILO CITY- Yara na sa maayo nga kahimtangan ang tatlo ka mga manugpangisda matapos nagkulob ang ila fishing boat sa baybayon nga sakop sang Barangay Poblacion, Banate, Iloilo.
Ang mga biktima amo sanday Roger Barona, 40, residente sang Brgy, Sto Domingo, Barotac Viejo, Iloilo; Rodmark Dablo, 22, kag John Peter Clemeno, 27, lunsay residente sang Brgy. San Salvador, Banate, Iloilo.
Suno sa otoridad, nagpalawod ang mga biktima agud mangisda sang nasugata nila ang buhawi gani nagkulob gid ang ila fishing boat.
Gilayon naman nga nakaresponder ang mga katapo sang Coast Guard Sub- Station Banate, Banate Bay Management Resort Council Incorporated (BBRMCI) kag Bantay Dagat gani naluwas ang mga biktima.
