ILOILO CITY – Ilubong na subong nga adlaw, Agosto 9 si anay Presidente Fidel V. Ramos
Napatay si FVR sang Hulyo 31 sa edad nga 94 bangud sa komplikasyon sa COVID-19.
Yari ang lauman nga matabo sa lubong sang anay presidente:
Si Ramos ang igalubong sa Section A sang Libingan ng mga Bayani sa Fort Bonifacio kung sa diin, ginalubong ang mga anay presidente.
Ang iya nga lulubngan ang kaiping sang lulubngan ni the late President Elpidio Quirino.
Ang inurment ceremonies ang magasugod alas-10 subong nga aga.
May yara sang full military honors as pag-abot sang iya urn sa Libingan ng Mga Bayani kag pagasundan sang funeral procession padulong sa presidential gravesite.
Magasunod diri ang seremonya sang lubong kag ginabanta nga magatakop ang event as alas-12 sa udto.
Ang full military honors ang igahatag sang Security and Escort Battalion sang Philippine Army upod ang honor guards nagikan sa iban nga branches sang Armed Forces of the Philippines.
Suno kay Army spokesperson Col. Xerxes Trinidad, isa ka battalion-sized contingent sang honor guards ang magahatag sang departure honors para kay Ramos sa Heritage Park kun sa diin, nahamtang subong ang iya abo.
Maga-convoy ang mga suldado sa former first family kag iban pa nga VIP guests sa Libingan ng Mga Bayani.
Isa pa ka battalion-sized contingen ang magahatag sang funeral arrival honors kag updan sang honor guards padulong sa inurnment site.
Ang 21-gun salute ang magatapos sang state funeral.
