MANILA – Ginatun-an ang posible pagpatuman sang four-day workweek sa mga empleyado sa pila ka opisina sang gobyerno sa tion nga labi nga maglala ang sitwasyon sang pungsod bangud sang coronavirus disease 2109 (COVID-19).
Ini ang ginpahayag ni Cabinet Secretary Karlo Nograles.
“Isa ito sa mga option na maaring gamitin lalo na sa government offices na medyo exposed sa COVID-19,” pahayag ni Nograles, isa man ka miyembro sang Inter-Agency Task Force for the Management of Emerging Infectious Disease.
Suno sa natungdan, gina-istoryahan sa subong sang taskforce ang pagdihon sang “small groups” lakip na ang Civil Service Commission (CSC).
“Right now, nasa punto pa lang na pinag-aaralan itong option na ito,” dugang sang opisyal.
Gin-athag sang opisyal nga wala pa ini naistoryahan kaupod si Presidente Rodrigo Duterte.
Mahimo nga ipatuman ang four-day workweek kun may yara na sang “clustering” ukon mga lugar nga tuman ang epekto sang COVID-19.
Sa subong, naglab-ot na sa 49 ang positibo nga kaso sang COVID-19 sa Pilipinas kag napaidalom naman ang pungsod sa state of public health emergency.
