ILOILO CITY- Pormal na nga ginturn-over sang Galing Pook Foundation kag Department of the Interior and Local Government ang Galing Pook Award Marker sa Iloilo Province.
Matandaan nga Oktubre 12, 2023 sang ginpasidunggan ang provincial government bilang Galing Pook Awardee bangud sa Zero-Open-Defecation program sang probinsya nga ginakabig nga best governance practice.
Suno kay DILG Region 6 Director Juan Jovian Inginiero, kumpiyansa siya nga madamo sang mga local governement units subong sa Western Visayas ang magapartisipar sa Galing Pook bangud nangin inspirasyon kag motibasyon ang pagdaog kag pagkilala sa Iloilo Province nga may maayo nga mga programa kag panggobyerno.
Pahayag niya, sobra pa sa pagkilala ang Galing Pook sa diin nagapati ang ahensya nga ang katuyuan sang paghatag sang pasidungog amo nga ma- promote ang mga lugar nga makabig model sang good governance.
Una na nga nagpabutyag sang interest si DILG Sec. Benjamin Abalos sa pag-adopt sang best practices sang probinsya sang Iloilo sa iban nga rehiyon.
Nahibaluan nga kada tuig, may yara sang ginapain nga P5 million ang provincial government para sa nasambit nga programa.
