Gin-unahan na sang Presidential Communications Office (PCO) ang pagdepensa paagi sa pagsiling nga wala sang pondo halin sa publiko ang gingamit agud nga mahimo ang bag-o nga logo sang “Bagong Pilipinas” nga amo ang ginmandu ni President Ferdinand ‘Bongbong’ Marcos, Jr. nga bag-o nga branding sang gobyerno.
“This was accomplished without any cost to the government,” kabahin sang statement sang PCO.
Ang logo ang naga-feature sang duag blue kag red nga semi-circles kag nagaporma bilang sphere kag kaangay nga nagahakos sa adlaw kag may tatlo ka mga bituon nga nagasimbolo sang hayahay sang Pilipinas.
Ang tatlo ka red stripes suno sa opisina ang naga-represent sang post-war agricultural kag rural development, post-colonial period, kag ang current metropolitan development. Ang duha naman nga stripes nga blue amo ang tuyo sang Pilipinas nga technological advancement agud malab-ot ang sustainable industrial development.
Ang adlaw nga nagabutlak amo ang pagbangon sang bag-o nga Pilipinas. Ang weave pattern amo naman ang naga-ilustrar sang interconnectedness kag pag-isa sang mga Pinoy.
Gin-isyu sang PCO ini nga paathag matapos nga wala tuo nga pagpakamalaot ang nabaton sa rebranding strategy sang Department of Tourism (DOT) nga gindugangan pa sang audio-visual presentation nga naggamit sang mga video clip halin sa internet kag mga video nga wala man gin-shoot sa Pilipinas.
Ang Philippine Amusement and Gaming Corporation (PAGCOR) sang nagligad nga adlaw ang ginpakamalaot man bangud sa P3-million nga logo nga daw logo sang isa ka kumpaniya sang noodle brand kag sang isa ka oil company. Ginaduso na nga imbestigaran sa Kamara kun paano gingastuhan sang minilyon ka pesos ang amo nga logo. #
