ILOILO CITY-Nagakalangkag na ang Iloilo Provincial Government para sa Gastronomic Food Festival and Bazaar nga ila halad sa mga Ilonggo kag mga dumuluong sa Dinagyang Festival 2024.
Sa interview sang Bombo Radyo kay Governor Arthur Defensor Jr., iya ginpahayag nga magabukas ini subong nga Huwebes, Enero 25 kag magalawig tubtob sa Enero 28.
Suno kay Defensor, may 70 ka mga merchants kag 12 ka mga exhibitors ang magaupod sa food festival and bazaar kag may special participation sang mga Local Government Units nga magapasundayag sang ila hometown products.
Pahayag ni Defensor, ipabatyag nila ang pag-amuma sang mga Ilonggo paagi sa pagkaon, pagkinasadya, musika kag matuod nga Ilonggo hospitality.
Nahibaluan nga kabahin ini sang pinakauna nga bes nga pag-host sang probinsya sang Kasadyahan sa Kabanwahanan sa Dinagyang Festival.
