ILOILO CITY – Nagpatawag sang emergency meeting si Iloilo Governor Arthur Defensor Jr. agud iplastar ang mga kinahanglanon sang mga lugar nga may positibo nga kaso sang Coronavirus Disease 2019 (COVID-19).
Sa interview sang Bombo Radyo kay Provincial Administrator Atty. Suzette Mamon, iya ginpahayag nga isa sa mga gin-istoryahan amo ang paghatag sang dugang nga financial aid sa mga Local Government Unit nga may kaso sang nasambit nga virus.
Suno kay Mamon, liwat nga magapatawag sang pagsinapol si Gov. Defensor, buwas, agud maistorya ang Provincial Disaster Risk Reduction and Management Council agud maaprobahan ang dugang nga financial assistance magluwas sa una na nga ginhatag nga P1 Million.
