Gin-anunsyo ni President Ferdinand Marcos Jr. nga gin-aprubahan niya nga pasakaan ang lifetime monthly gratuity pay para sa Medal of Valor awardees sang Armed Forces of the Philippines (AFP).
Sa iya speech sa 88th founding anniversary sang armadong-kusog sang Pilipinas, ginkilala sang presidente ang mga myembro sang militar kag ginsiling nga ang pay increase ang gin-rekomendar sang Department of National Defense (DND) kag mismo sang AFP.
“This will provide them with a tangible – this will provide our heroes with a tangible and a meaningful reward, highlighting our commitment to support and to honor our war heroes,” suno kay Marcos.
Naghingyo man ang presidente sa tropa sang militar nga magpabilin nga mabakod sa pagdepensa sa pungsod.
“I look forward to more decades of the AFP’s excellent and selfless service to the nation, especially now that we are transforming our country into ‘Bagong Pilipinas’ that is rightfully due to our people.”
Ang pinakamataas nga combat award nga ginahatag sang militar ukon ang Medal of Valor amo ang nagakilala sang “supreme sacrifice” kag pagkabaganihan sang mga soldado.
Sandig sa Republic Act No. 9049, ang awardee sini ang makabaton sang lifetime monthly gratuity nga P20,000 nga separado pa gid sa sweldo ukon sa pension.
