ILOILO CITY – Wala na sang may mahimo pa ang Local Government Unit may kaangtanan sa pagbawi sang ayuda nga nabaton sang pila ka mga benepisyaryo sa Social Amelioration Program sang Department of Social Welfare and Development.
Sa interview sang Bombo Radyo kay Nueva Valencia, Guimaras Mayor Emmanuel Galila, iya ginpahayag nga indi pa siya makasabat kun ano ang posible silot nga ihatag sa mga nakabaton sang kwarta nga sa pagkamatuod, indi man kwalipikado.
Suno kay Galila, ang Department of Social Welfare Development ang nagakadapat nga magsabat bangud sila ang may guidelines tuhoy sa pagpanaghatag sang Social Amelioration Program.
