Kapin 300 ka mga balay ang nahalitan kadungan sang pagbaskog sang hangin kag pagbaha sa syudad sang Iloilo halin pa sang nagligad nga adlaw.
Santo sa latest record sang Iloilo City Disaster Risk Reduction and Management Office (CDRRMO), 229 sa sini nga mga balay ang may porsyon lang nga nahalitan kag 23 naman ang nagkalawasak.
Ini nga mga balay ang nahamtang sa 14 ka mga barangay.
314 ka mga pamilya ang ginpahayag nga apektado.
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga may nahatag naman nga mga ayuda sa apektado:
- Sa mga tag-iya sang nawasak nga balay – may isa ka sako nga bugas kag assorted canned goods
- Sa mga tag-iya sang balay nga may porsyon lang nga nahalitan – may tatlo ka kilo nga bugas kag canned goods
Iproseso man ang cash assistance: P10,000 para sa mga nagkalawasak ang balay, kag P7,000 para sa partially destroyed nga mga puluy-an.
Sa subong nagapabilin sa evacuation centers ang mga pamilya nga nawad-an sang puluy-an.
