Gin-athag sang Philippine Atmospheric, Geophysical and Astronomical Services Administration (PAGASA) nga naghina na ang Southwest Monsoon ukon Habagat kag wala na nagaapekto sa tyempo sang Pilipinas.
Suno kay state weather specialist Chenel Dominguez, may transition na subong sa amihan apang wala ini nagakahulugan nga opisyal na nga nagtakop ang Habagat season.
Ginpahayag pa sini nga ang intertropical convergence zone ukon ITCZ ang nagaapekto subong sa pungsod.
Wala sang ginpaguwa ang state weather service nga gale warning sa diin man nga parte sang teritoryo sang pungsod kag wala man sang ginalauman nga low pressure area nga magsulod ukon magporma sa Philippine area of responsibility sa masunod nga duha tubtub tatlo ka adlaw. #
