Ginaduso sa Kamara ang hagna nga magapatuman sang nationwide curfew para sa mga menor-de-edad, house bill nga na-file naman sang 18th Congress.
Sa House Bill 1016 nga gin-file ni Bagong Henerasyon Party-list Rep. Bernadette Herrera-Dy, ginpahayag nga magaumpisa ang curfew hours 10 p.m. kag magalawig tubtub 5 a.m.
May exemptions man nga ginsaad sa sini nga proposed “National Curfew Act”, halimbawa, kun kaupod sang minor ang ginikanan ukon guardian kag kun may yara sang emerhensya.
Indi pagpapanaugan sang penalidad ang minors kun nagapauli sila sa ila nga balay ukon kun nagapakadto sa party, graduation ceremony, religious activities, ukon iban pa nga school ukon government-sanctioned event. Kinahanglan lang nga mag-provide sang ebidensya nga ginapahanugutan ang amo nga event.
PENALTIES
Dapat nga may presensya sang ginikanan ukon guardian kun pirmahan ang statement sang madakpan nga menor de edad.
Sa first offense, required ang parents uko guardian nga maghimo sang least 48 hours sang community service kag/ukon magbayad sang at least P2,000 nga multa.
Sa second violation, ang parent ukon guardian kag ang bata ang required gid nga magtambong sa regular counselling sessions kaupod sa Barangay Council for the Protection of Children.
Sa third offense, kinahanglan na ang intervention sang local Department of Social Welfare and Development paagi sa counselling kag “proper disposition on the matter.”
Kun makabig naman nga “habitual violator” ang bata, i-turn over ini sa DSWD para sa counseling kag i-subject man sa intervention program. ##
