ILOILO CITY – Ginalauman nga maga-abot na sa Pilipinas ang halos 400, 000 nga doses sang bivalent coronavirus-disease 2019 vaccines sa masunod nga semana.
Suno kay Department of Health officer-in-charge Maria Rosario Vergeire, natapos na ang tanan nga kinahanglan nga ipasa gani, nagpasalig na ang pungsod nga magahatag sang bakuna.
Subong nga semana suno sa natungdan, mangin masako na ang mga implementing units bangud sila ang magasapol para sa orientation kun paano himuon ang pagpatuman sa paghatag sang bivalent vaccines sa mga priority groups.
Ang bivalent vaccines amo ang second-generation jabs nga naga-target sa Omicron variant.
Nagpanindugan naman si Vergeire nga ang pagbawi sang coronavirus-disease 2019 bilang public health emergency of international concern ang wala sang anuman nga epekto sa pag-abot sang bakuna sa masunod nga semana.
Ginpahayag dugang sang opisyal nga nagbalik na ang pagpakighinun-anun sang ahensya sa COVAX facility kag nagpabutyag sang interes sa pagbaton sang dugang nga two million doses sang bakuna nagikan sa facility.
