Nagapati ang Department of Trade and Industry nga may yara sang maayo nga epekto ang health crisis sa ekonomiya sang pungsod.
Ini sa pihak sang epekto sang Coronavirus Disease scare sa hulag sang mga produkto nga naga gwa kag nagasulod sa pungsod.
Suno kay Department of Trade and Industry Sec. Ramon Lopez, may pila ka dalagko nga brands sang cellular phones nga ginakonsidera sang Pilipinas nga kuhaon nga supplier sang mga parte sang produkto nila nga sadto ginakuha sa China kag iban pa nga pungsod nga apektado sang nasambit nga virus.
Samtang kun supply chain naman ang paga istoryahan, sa subong wala pa sang nakita nga epekto ang Department of Trade and Industry sa mga manufacturer.
Dugang sang natungdan, bastante pa ang ila nga mga supply agud mapadayon ang operasyon sa masunod nga bulan.
Nagalaum man si Sec Lopez nga magahinay sang 1% ang operasyon sa China ilabi na sa Hubei province nga tuman nga naapektuhan sang COVID-19.
