Nagpanugyan ang health expert sa publiko nga mangin sensitibo sa mga tigulang nga nagasuprer sang Alzheimer’s disease.
Sa interview sang Bombo Radyo kay Dr. Philip Ian Padilla, Assistant to the Director for the Philippine Genome Center sa Diliman, iya ginpahayag nga ang Alzheimer ang isa ka progresibo nga balatian, nga nagakahulugan nga ang mga sintoma nagalala sa pagligad sang panahon.
Suno kay Padilla, masami sa mga naga-atipan sa ila pamilya nga may kaangay nga balatian, ang nagabatyag nga daw masami nagaatubang sang bag-o nga pagpanghangkat.
Bangud man nga ang isa ka tawo nga may amo nga balatian ang nagapakita sang senyales kag mga sintomas, apang mahimo sa gihapon nga makaubra sang professional kag social activities.
Apang, mahimo nga nabudlayan sila sa pila ka mga buluhaton nga nagalakip sang ‘thinking’ kag ‘memory’.
Nagpanugyan man ini sa mga naga-alaga sang may Alzheimer nga mangin aktibo sa adlaw-adlaw nga mga hilikuton agud makahatag sang stimulation sa pasyente.
Importante man nga ipabilin nga nutritious kag balanced diet ang ipakaon sa indibidwal nga may Alzheimer.
