Subong na nga adlaw kaslon ang Olympic champion nga si Hidilyn Diaz sa iya nga coach kag longtime boyfriend nga si Julius Naranjo.
Patigayunon ang seremonya sa Philippine Military Academy sa Baguio City.
Mapakasal si Diaz apang una na ini nagpahayag nga maga-intra pa siya sa 2024 Paris Olympics nga amo na ang iya ika-lima nga pagpasakop sa Olympiada.
Ginpahayag man sang 31-anyos nga Zamboangueña nga gusto na nila makaangkon sang mga anak kun matapos na ang Paris Games.
Nagkitaay sanday Diaz kag Naranjo sa 2017 Asian Indoor and Martial Arts Games sa Turkmenistan kun sa diin nagpasakop man si Naranjo bilang weightlifter sang Guam.
Nagsulod si Naranjo sa Team HD – ang term nga ginagamit ni Diaz para sa iya nga grupo – kag siya ang nagserbe bilang kusog kag conditioning coach ni Diaz sa Tokyo Olympics.
Bangud nagbalik na sa iya pamilya sa China ang Chinese mentor ni Diaz nga si Gao Kaiwen, si Naranjo na subong ang head coach samtang target naman ni Diaz ang isa pa ka Olympic gold medal.
Lakip sa principal sponsors sang kasal amo si former Vice President Leni Robredo, former senator and boxer Manny Pacquiao, dermatologist-to-the-stars Vicki Belo, award-wining actress Judy Ann Santos, business moguls nga sanday Manny Pangilinan kag Ramon Ang, Philippine Olympic Committee president Abraham “Bambol” Tolentino kag Bo Sanchez.
Yara man sanday Angel Locsin, Atom Araullo, kag Iza Calsado.
Espesyal ni nga adlaw sang ila kasal bangud sa sini man nga adlaw sang nagligad nga tuig, naghimo sang maragtas si Hidilyn Diaz sang nagdaog ini sang gold medal sa Tokyo Olympics.
Nangibabaw si Diaz sa women’s 55 kg. weightlifting competition sa Japan matapos ang iya nga record-breaking 127 kg. lift sa clean and jerk event.
Ini ang labing-una nga gold medal sang Pilipinas sa Olympiada. ##
