Mahimo nga i-review sang Department of Education (DepEd) ang patakaran sini sa paghatag sang recognition sa mga estudyante sa kada tuig.
Suno kay DepEd Assistant Secretary Francis Cesar Bringas, ini nga review ang mangin kabahin man sang posible himuon sang ahensya nga pag-revise sa K to 12 Curriculum para sa School Year 2024-2025.
Suno kay Bringas, kun may yara sang islan sa curriculum, may yara man sang revision kun paano i-assess ang competencies nga na-achieve sang mga bata sa idalom sang bag-o nga curriculum.
Ginpaathag man sini nga ang ginapatuman subong sang DepEd ang may tuyo nga mapalikaw ang mga bata sa kumpetisyon sa kaangay nila nga estudyante; kag sa baylo, magtutok sa kaugalingon ukon personal nga achievement.
Sang may “hierarchical” award sa mga bata suno sa natungdan, may pressure halin sa ginikanan kag halin sa pamilya nga kinahanglan Top 1, Top 2, Top 3 ang makuha sang bata.
Apang sa sulod na sang pito ka tuig, ang ginahatag amo ang With Highest Honors kun ang total grade average yara sa 98 -100; With High Honors kun ang total average yara sa 96- 97; kag With Honors kun ang total grade average yara sa 90-94.
Sa sini nga sistema suno sa natungdan, wala sang pressure bangud naga-compete ang bata sa kaugalingon kag indi sa kaangay niya nga learner.
Gin-athag ini sang opisyal kasunod sang pag-viral sang daan nga Facebook post ni former Education Secretary Leonor Briones sang 2021 nga naga-clarify sang sistema sang DepEd sa paghatag sang awards.
