Ginhangkat ni Senate Deputy Minority Leader Risa Hontiveros ang Marcos Jr. administration nga i-kumpiskar ang tonelada sang gina-alegar smuggled sugar nga gin-import sang tatlo ka ginpahayag ginpaboran nga traders.
Ini nga statement sang senador ang kasunod sang pag-approve ni President Ferdinand “Bongbong” Marcos Jr. sang pagbaligya sang natipon nga smuggled sugar sa presyo nga P70 per kilo sa Kadiwa centers.
Suno kay Hontiveros, nalipay gid ang administrasyon sa 12,000 metric tons nga nakumpiskar sa Subic kag Batangas, apang kunmatuod nga seryoso ang gobyerno nga mahatag ang bastante kag barato nga suplay sang kalamay sa pungsod, dapat nga mag-umpisa ini paagi sa pagkumpiskar sang sugar stocks nga iligal nga gin-import sang tatlo ka ‘favored’ importers.
Ang tatlo amo ang All Asian Countertrade, Edison Lee Marketing, kag Sucden Philippines.
Ginpahayag pa dugang ni Hontiveros nga kun ibaligya ang smuggled sugar sa pinaka-pigado nga 30 percent sang populasyon, kinahanglan ang at least 300,000 metric tons bangud ang annual consumption sang Pilipinas ang yara sa 2.2 million metric tons.
Dugang pa sang opposition lawmaker, dapat ibaligya sang gobyernoa ng smuggled sugar sa regular profit rates nga P61 per kilogram kag indi P70. ##
