ILOILO CITY – Gin-aprubahan sang House youth and sports development panel ang hagna nga nagahatag sang access sa mga pamatan-on nga naga-edad 15 kag pasaka sa reproductive health services, lakip na sa legal contraceptives, apisar nga wala sang pahanugot sang ginikanan.
Suno kay Albay Representative Edcel Lagman, principal author sang House Bill 00079 ukon ang Adolescent Pregnancy Prevention Act, santo sa hagna, ang reproductive health services kag legal contraceptives ang mahimo nga mangin accessible sa mga naga-edad 14-anyos kag panubo apisar nga wala sang pahanugot sang ginikanan sa kondisyon nga sila ang may anak na, nagadala, naka-eksperyensya sang sexual assault, nahulugan, kag sexually active ukon na-engage sa high-risk behavior.
Ang hagna ang nagahatag man sang social protection sa mga adolescent parents agud nga makatapos sa ila pag-eskwela kag makakuha sang abilidad para makatrabaho.
Ini nga hagna ang sequel sa Reproductive Health Law suno kay Lagman.
Sang Pebrero, nagpangayo na ang United Nations Population Fund sang unhampered provision sang comprehensive sexuality education para sa mga estudyante nga naga-edad lima tubtob 19 anyos agud nga malikawan ang pagbusong sang mga babayi nga naga-edad 10-19 anyos.
